ᑐᓴᐅᒪᑎᑦᓯᓂᖅ
Facebookᑦ

ᐱᕙᓪᓕᐊᓂᖅ ᑭᓇᒃᑯᓄᑦ ᐱᕙᓪᓕᖁᑎᐅᓚᖓᕙ?

ᐱᕙᓪᓕᐊᓂᖅ ᐱᓇᓱᑦᑕᐅᔪᖅ ᓄᓇᕕᒻᒥᐅᓕᒫᓄᑦ ᐃᓕᖓᔪᖅ.
 
ᓯᖁᒥᓯᒪᔪᕐᓂᐊᓂᕐᒥ ᐱᓇᓱᖃᑎᒌᑦᑐᑦ
ᑲᑎᕕᒃ ᐃᓪᓗᓕᕆᔨᕐᔪᐊᑯᓐᓂᒃ ᐃᓪᓗᒥ ᐊᑦᑕᑐᕆᐊᖃᕐᑐᑎᑦ ᐊᑭᓕᕐᑐᐃᓯᐊᓲᒍᓗᑎᓪᓗ. ᐊᖏᖃᑎᖃᕈᓐᓇᑐᑎᑦ ᑲᑎᕕᒃ ᐃᓪᓗᓕᕆᔨᕐᔪᐊᑯᓐᓂ ᖃᓄᖅ ᐊᑭᓕᕐᑐᐃᓚᖓᒻᒪᖔᕐᐱᑦ.
 
ᓇᓄᖅ
ᑖᓐᓇ ᐊᕕᑦᑐᓯᒪᓂᖅ ᐊᑐᐃᓐᓇᐅᑎᑕᐅᔪᖅ ᐊᑯᓐᓈᕿᓐᓂ ᐃᓕᓴᕐᑐᓄᑦ ᐊᕐᕌᒍᑉ ᑐᖓᓕᖓᓃᑦᓱᑎᒃ ᐱᖓᓲᒻᒪᑕ ᐊᓂᒎᑎᑎᒋᐊᓖᑦ.
 
ᐊᓂᕐᕋᕋ, ᓄᓇᓕᒐ, ᐅᐱᒪᒋᔭᕋ
ᑖᓐᓇ ᑲᔪᓯᑎᑕᐅᔪᖅ ᑐᕌᖓᔪᖅ ᓄᓇᕕᒻᒥᐅᓕᒫᓄᑦ, ᐅᕕᒃᑲᓄᑦ, ᐃᓄᒻᒪᕆᓐᓄᑦ ᐃᓄᑐᖃᕐᓄᓗ.
 
ᐃᓚᐅᒍᒪᒍᕕᑦ ᐱᕙᓪᓕᐊᓂᖅ - ᑲᑎᕕᒃ ᐃᓪᓗᓕᕆᔨᕐᔪᐊᑯᑦ ᑖᓂᓯᕆᐅᕐᓴᑎᑦᓯᓂᖓᓄᑦ, ᐅᑭᐅᖃᕆᐊᖃᕐᑐᑎᑦ 12-ᒥᑦ 18-ᒧᑦ.
 

ᖃᖓᓪᓗᐊᑎᒋᒃ ᐱᕙᓪᓕᐊᓂᖅ ᓯᕕᑐᓂᖃᓚᖓᔪᖅ?

ᐱᒋᐊᓚᐅᔪᔪᖅ ᓅᕕᒻᐱᕆ 2011-ᒥ ᑲᔪᓯᓚᖓᑦᓱᓂᓗ ᓄᓇᕕᒻᒥ ᓄᓇᓖᑦ ᑲᔪᓯᒍᒪᓂᓕᒫᖏᓐᓂᒃ ᐃᓚᐅᒍᒪᓂᓕᒫᖏᓐᓂᒃ ᐊᒻᒪᓗ ᑯᐸᐃᒃᑯᑦ ᐃᓪᓗᓕᕆᔨᒃᑯᑦ ᑮᓇᐅᔭᖃᕐᑎᓯᓂᓕᒫᖓᓂ.

ᖃᓄᖅ ᐃᓚᐅᓯᒍᓐᓇᐱᑕ?

ᐃᓚᐅᒍᒪᒍᕕᑦ ᓇᓕᖏᓐᓂᒃ ᐱᖓᓱᓂ ᐱᕙᓪᓕᐊᓂᖅ ᐃᖏᕐᕋᑎᑕᖏᓐᓂ, ᖃᐅᔨᒐᓱᐊᕈᓐᓇᑐᑎᑦ ᑲᑎᕕᒃ ᐃᓪᓗᓕᕆᔨᕐᔪᐊᑯᖏᓐᓂᒃ ᑐᕋᐃᓐᓇᓗᑎᑦ 819-964-2000 ᐅᕝᕙᓗᓐᓃᑦ ᖃᕆᑕᐅᔭᑎᒍᑦ ᐆᒧᖓ pivallianiq@omhkativikmkb.qc.ca.

ᓱᓇᓂᒃ ᐃᓚᐅᔪᐃᑦ ᓵᓚᓐᓃᒍᑎᑖᖃᑦᑕᕋᔭᕐᑐᑦ?

ᐱᐅᓂᕐᓄᑦ ᐃᑲᔪᕐᑎᒌᑦᑏᑦ - ᐃᓘᓐᓇᑎᒃ ᐃᓚᒌᑦ ᓇᓗᕐᑕᐅᓯᒪᔪᑦ ᐊᑭᓕᕐᑐᐃᓯᐊᕐᐸᓱᑎᒃ ᐃᓪᓗᒥᒃ ᐊᑦᑕᑐᕐᓂᒧᑦ ᐊᑭᓕᕆᐊᓕᒥᓂᒃ ᐊᕐᕌᒍᓕᒫᖅ ᑐᓐᓇᑐᑎᒍᑦ ᓄᓇᓕᓐᓂ ᐊᒻᒪᓗ ᓄᓇᓕᓕᒫᓂ ᑦᑐᑕᐅᓲᑦ ᓇᓚᐅᑦᓵᖃᑕᐅᒍᓐᓇᐅᑎᒥᒃ ᐱᕙᓪᓕᐊᓂᖅ-ᐃᓪᓗᓕᕆᔨᒃᑯᑦ ᐊᓪᓚᕕᒻᒪᕆᖓᑕ ᐃᓪᓗᓕᕆᓂᕐᓄᑦ ᐅᓪᓗᖁᑎᖓᓂ. ᓄᓇᓕᓕᒫᓂ ᓵᓚᖃᐅᑏᑦ ᐃᓚᖃᓲᑦ ᐃᓗᐃᒃᑲᓂᒃ ᐃᓪᓘᑉ ᐱᐅᓕᓂᐊᒐᖏᓐᓂᒃ ᐊᒻᒪᓗ ᐃᓪᓘᑉ ᐃᓗᐊᓂᒃ ᐃᓕᓐᓇᑎᕆᔨᒧᑦ ᑭᒡᒐᑐᕐᑕᐅᓱᑎᒃ, $15,000-ᓂᒃ ᐊᑭᓕᑦᓴᑦ ᑖᒃᑯᐊ, ᐊᕐᕌᒍᓕᒫᒥᓪᓗ ᐊᑭᖃᙱᑐᓂᒃ ᓂᕿᑖᕈᓐᓇᓯᑦᓱᑎᒃ ᐊᒻᒪᓗ ᑕᕐᕿᓂ ᐱᖓᓲᔪᕐᑐᓂ ᐃᓪᓗᒥᒃ ᐊᑭᓕᕐᑐᐃᒋᐊᖃᙱᐅᑎᒥᒃ.

ᓇᓄᖅ - ᑲᑎᒪᓂᐊᕈᓯᐅᑉ ᐃᓱᐊᓂ, ᐃᓚᐅᔪᑦ ᐃᓕᓵᑦ ᑦᑐᑕᐅᓛᕐᑐᑦ ᐱᕙᓪᓕᐊᓂᖅ-ᓇᓅᑉ ᓱᕐᖁᐃᓇᕐᑎᓯᐅᑎᖓᓂᒃ ᐊᑎᖏᑦ ᐅᖃᕐᑕᐅᓗᑎᒃ, ᐃᒪᖃᐅᑎᒥᓪᓗ ᐊᑐᕆᐊᓪᓚᕈᓐᓇᑐᒥᒃ ᐊᒻᒪᓗ ᐊᓪᓚᐅᑎᖃᐅᑎᒥᒃ ᐊᑦᔨᖑᐊᖓᓂᒃ ᐱᕙᓪᓕᐊᓂᐅᑉ ᐱᑕᓕᒻᒥᒃ. ᐃᓕᓵᑦ ᐊᒥᓲᙱᑐᑦ ᐱᓯᒪᔪᑦ ᐃᓕᕕᓐᓂ ᐃᓕᒃᑰᑎᕐᑐᓂ ᓵᓚᖃᐅᑎᐅᓛᕐᑎᓗᒍ ᒪᓐᑐᔨᐊᓚᓕᐊᙳᐊᕈᓐᓇᓯᓗᓂ ᑕᑯᔭᕐᑐᓗᓂ ᖄᑭᕐᑎᓂᒃ ᑲᓇᑎᐊᓂᒃ ᒪᓐᑐᔨᐊᓚᒥ ᑲᓇᑎᐊᓐ ᑲᒃᑲᓛᓂᒃ ᑐᙵᕕᖃᕐᑎᓯᐅᑎᖓᑕ ᐱᒻᒪᕆᑎᓂᒃ ᑕᑯᔭᕐᑐᑎᑦᓯᕕᖓᓄᑦ.





ᖃᓄᖅ ᐱᓇᓱᒐᕐᑖᕈᓐᓇᐳᖓ ᐱᕙᓪᓕᐊᓂᖅ ᐱᓇᓱᑦᑕᐅᔪᒥ?

ᒪᙵᑦ ᕿᓈᔭᕐᐸᑐᒍᑦ ᕿᑦᖓᔪᓂᒃ, ᐱᔪᑦᓴᐅᔮᕐᑐᓂᒃ ᐊᒻᒪᓗ ᑲᒪᒍᓐᓇᓯᐊᕐᑐᓂᒃ ᑲᒪᔨᑦᓴᓂᒃ ᓴᐳᑦᔨᓂᕐᒧᑦ ᑲᑎᕕᐅᑉ ᐃᓪᓗᓕᕆᓂᕐᓄᑦ ᐊᓪᓚᕕᒻᒪᕆᖓᑕ ᐃᓪᓗᓂᒃ ᐊᑭᓕᕐᑐᐃᓱᑎᒃ ᐊᑦᑕᕈᑎᓂᒃ ᐱᒐᓱᐊᑦᓯᐊᑐᓂᒃ ᐃᓪᓗᒥᓂᒃ ᓱᒃᑯᑎᑦᓯᓕᑦᓱᑎᒃ. ᐊᒥᓱᑦ ᐃᓂᐅᒍᓐᓇᑐᑦ ᐊᑐᐃᓐᓇᐅᒪᑕ ᐱᕙᓪᓕᐊᓂᖅ ᐱᓇᓱᒐᐅᑉ ᐊᑖᓂ. ᐃᓕᒐᓱᐊᕐᑐᓂᒃ ᐃᓕᓐᓂᐊᑎᑕᐅᓂᖃᕐᑎᓯᒍᓐᓇᑐᒍᑦ ᑲᔪᓯᑎᑦᓯᒍᓐᓇᓯᐊᖁᓪᓗᒋᑦ ᐱᓇᓱᒐᕐᒥᓂᒃ.
 
ᐱᔪᑦᓴᐅᔮᕐᑐᑦ ᐃᓗᓐᓇᖏᓐᓄᑦ ᐱᓇᓱᒐᑦᓴᓄᑦ ᖃᐅᔨᒐᓱᐊᕈᓐᓇᐳᑦ ᑰᑦᔪᐊᖅ ᐃᓪᓗᓕᕆᔨᕐᔪᐊᑯᓐᓂ 819-964-2000 ᐅᕝᕙᓘᓐᓃᑦ ᖃᕆᑕᐅᔭᒃᑯᑦ  
pivallianiq@omhkativikmhb.qc.ca.