ᑐᓴᐅᒪᑎᑦᓯᓂᖅ
Facebookᑦ
 
 

ᐃᓕᓴᕐᕖᑦ ᐊᖓᔪᖅᑳᖏᑦᑕ ᐃᓕᓴᐃᔩᓪᓗ ᐃᓚᐅᒍᓐᓇᓂᖏᑦ

 









ᐃᓕᓴᕐ"ᑦ ᐊᖓᔪᕐçᖏᓐᓄᑦ, ᐃᓕãᔨᓄᑦ,
ᐱᕙᓪᓕᐊᓂᖅ ᐱᓇᓱᐊᖃᑎᒌᑦᑎᒍ ᓇᑯᕐᓴᐳᑦ ᐱᒋᐊᕐᑎᓯᓛᕆᐊᒥᒃ ᐃᓕᓴᕐᕕᓄᑦ ᐊᕐᕕᑕᕐᓂᒥᒃ ᑐᖓᓕᐊᓂᒃ ᓄᓇᕕᒻᒥ 14-ᓄᑦ ᓄᓇᓕᓐᓄ ᑲᒃᑲᓛᓂᒃ ᐃᑉᐱᒍᓱᓕᐅᒥᑎᑦᓯᒋᐊᕐᑐᓗᑎᒃ ᐊᓇᕐᕋᒥᓂᒃ ᐱᐅᔫᖏᓐᓇᑎᑦᓯᓂᕐᓄᑦ, ᐅᖑᒪᑦᓯᒋᐊᖃᕐᓂᓄᑦ ᐱᐅᒃᑯᑎᖁᑎᑦᑎᓂᒃ ᐊᒻᒪᓗ ᓇᔪᓲᕐᑕ ᐊᕙᑎᖏᓐᓂᒃ ᐱᐅᓴᐃᕙᒋᐊᖃᕐᓂᓄᑦ.

2015-ᒥ ᐊᕐᕕᑕᕐᓂᓄᐊᖓᔪᓂᒃ, ᐱᓇᓱᑦᑏᑦ ᐱᐅᓴᐃᓚᐅᔫᑦ ᑲᒃᑲᓛᑦ ᐃᓕᓴᐅᑎᑦᓴᖏᓐᓂᒃ ᐃᓕᐅᕐᕐᑲᐃᕕᖃᕐᓱᑎᒃ ᑐᑭᓯᔭᐅᑦᓯᐊᕈᓐᓇᑐᓂᒃ ᐆᑦᑑᑎᓂᒃ ᐱᓯᒪᔪᓂᒃ ᐅᓪᓗᑕᒫᑦ ᐃᓅᓯᕆᕙᑦᑕᖏᓐᓂᑦ, ᐃᓕᓐᓂᐊᑎᑕᐅᒍᑎᖏᑦᑕ ᐃᓕᑦᓯᓯᐊᕈᓐᓇᑎᑦᓯᐅᑎᒋᓂᐊᕐᑕᖏᓐᓂᒃ. ᒥᖑᐊᕐᓯᒍᑏᑦ, ᐊᒡᒐᓄᑦ ᒥᖑᐊᕈᑏᑦ, ᖃᐅᒪᔪᑦ ᒥᖑᐊᖕᖑᐊᕈᑏᑦ ᐊᒻᒪᓗ ᐊᕿᑦᑐᔭᐃᑦ ᐊᓪᓚᕈᑎᑦᓴᔭᐃᑦ ᐊᑦᔭᑕᐅᓛᕐᑐᑦ ᑲᒃᑲᓛᑦ ᐃᓚᐅᒍᒪᓲᒍᒻᒪᑕ ᐱᓇᓱᐊᖃᑎᒌᑦᑐᓄᑦ ᑕᑯᒥᓇᕐᑐᓕᐅᕐᓗᑎᒃ ᓄᓇᓕᖕᖑᐊᓕᐅᕐᓗᑎᒃ ᓯᕗᓂᕐᒥ ᑕᑯᒍᒪᒐᔭᕐᑕᒥᓂᒃ!

ᐃᓕᓴᕐᑕᐅᒌᕈᑎᒃ, ᐃᓚᐅᔪᓕᒫᑦ ᐃᓕᓵᑦ ᐊᐃᑦᑐᑕᐅᖃᑦᑕᓛᕐᑐᑦ ᐱᕙᓪᓕᐊᓂᖅ-ᓇᓄᖅ ᓇᓗᓇᐃᕐᓯᐅᑎᖁᑎᖓᓂᒃ ᐊᑎᖏᑦ ᓄᐃᑕᑎᓪᓗᒋᑦ ᐱᑦᓯᐊᑐᑦ, ᐃᒪᑐᐃᓐᓇᖃᐅᑎᓂᓗ ᐊᑐᕆᐊᓪᓚᕈᓐᓇᑐᓂᒃ ᐃᓕᓴᕐᑕᐅᕕᒻᒥᑕ ᐃᓗᐊᓂ ᐊᑐᖃᑦᑕᓛᕐᑕᖏᓐᓂᒃ ᐊᒻᒪᓗ ᐊᓪᓚᐅᑎᓂᒃ ᐱᕙᓪᓕᐊᓂᐅᑉ ᑕᕐᓴᖓᓂᒃ ᑕᕐᓴᓕᓐᓂᒃ. ᐃᓕᓵᑦ ᐊᒥᓲᖕᖏᑐᑦ ᓵᓚᖃᕈᓐᓇᓛᕐᑐᑦ ᑕᑯᔭᕐᑐᕈᓐᓇᐅᑎᓂᒃ ᖄᑭᕐᑎᓂᒃ ᑲᓇᑎᐊᓂᒃ ᒪᓐᑐᔨᐊᓚᒥ ᑲᓇᑎᐊᓐ ᑲᒃᑲᓛᓂᒃ ᑐᙵᕕᖃᕐᑎᓯᐅᑎᖓᑕ ᐱᒻᒪᕆᐅᑎᓂᒃ ᑕᑯᔭᕐᑐᓯᕕᖓᓄᑦ.

ᑖᓐᓇ ᐃᓕᓵᓄᐊᖓᔪᖅ ᐊᓪᓚᓯᒪᔪᐃᑦ ᐊᕕᑦᓯᒪᒍᑎᖓ ᖃᐅᔨᒍᒪᔭᓯᓐᓂᒃ ᖃᐅᔨᒍᑎᒋᓂᐊᕐᑕᓯ ᐃᓕᖓᔪᓂᒃ ᓇᓄᖅ 2015-ᒥ ᑕᑯᔭᕐᑐᑎᑦᓯᒍᑎᒧᑦ. ᑕᑯᓛᕐᑕᓯ ᐃᓘᓐᓇᐃᓂᒃ ᐱᐅᒃᑯᑎᐅᓛᕐᑐᓂᒃ ᑭᖕᖒᒪᓇᓛᕐᑐᓂᒃ ᐊᑐᐃᓐᓇᕈᑦᑎᓕᕈᑦᓯᐅᒃ ᐃᓕᓵᑦ ᓯᕗᓂᐊᒍᑦ ᑎᑭᓚᐅᕐᑎᓇᒍ ᑕᒪᒃᑯᓂᖓ ᑲᔪᓯᑎᑦᓯᔨᐅᓛᕐᑐᖅ. ᐊᐱᕐᓲᑎᑦᓴᖃᕈᑦᓯ ᖃᓄᑐᐃᓐᓇᖅ, ᐅᖄᒍᓐᓇᑐᓯ ᔪᓴᐃ ᓕᕙᐃ-ᒧᑦ ᐅᕝᕙᓘᓐᓃᑦ ᒫᕆ-ᐃᓕᐊᓐ ᑲᕉᒧᑦ ᐅᕗᖓ 819 964-2000.

ᐃᓕᑦᓯᓂᒃ ᑕᑯᓛᕆᐊᒥᒃ ᕿᓚᓈᕐᐳᒍᑦ!


ᑲᑎᕕᒃ ᓄᓇᓕᓐᓂ ᐃᓪᓗᓕᕆᔨᖏᑦᑕ ᐊᓪᓚᕕᒻᒪᕆᖓ

ᑲᑎᕕᐅᑉ ᓄᓇᓕᓐᓂ ᐃᓪᓗᓕᕆᔨᖏᑦᑕ ᐊᓪᓚᕕᒻᒪᕆᖓ ᓄᐃᑕᐅᓚᐅᕐᑐᕕᓂᖅ 1999-ᒥ ᕿᓄᒍᑎᐅᑎᓪᓗᒍ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓄᑦ. ᑎᓕᔭᐅᒪᒍᑎᓖᑦ ᐊᐅᓚᑦᓯᓂᕐᓂᒃ ᐊᒻᒪᓗ ᓱᒃᑯᑎᑦᓯᑕᐃᓕᓂᕐᓂᒃ ᐃᓪᓗᖃᕐᑎᑕᐅᒍᑎᖏᓐᓂᒃ ᑕᕐᕋᒥ ᓄᓇᓖᑦ ᑲᑎᕕᐅᑉ ᓄᓇᖓᓂ. ᐊᕐᕌᒍᐃᑦ 15 ᐊᓂᒍᕐᓯᒪᓕᕐᑎᓗᒋᑦ, ᐃᓪᓗᓕᕆᔨᒃᑯᑦ ᐊᓪᓚᕕᒻᒪᕆᖓ ᓄᐃᑎᕆᓯᒪᓕᕐᑐᖅ 2700 ᐅᖓᑖᓄᑦ ᐃᓪᓗᓂᒃ ᓄᓇᕕᒻᒥ 14-ᓂ ᓄᓇᓕᓐᓂ.

ᑲᑎᕕᐅᑉ ᐃᓪᓗᓕᕆᓂᕐᓄᑦ ᐊᓪᓚᕕᒻᒪᕆᖓ ᐊᐅᓚᑕᐅᓂᓕᒃ ᓯᑕᒪᐅᔪᖕᖏᒐᕐᑐᓄᑦ ᐃᓚᐅᔪᓄᑦ ᑲᑎᒪᔨᓄᑦ, ᐱᖓᓱᑦ ᓇᓪᓕᑳᕐᑕᐅᓯᒪᔪᑦ ᑲᐃᐋᔩᒃᑯᑦ ᑲᑎᒪᔨᖏᓐᓄᑦ, ᒪᕐᕉᒃ ᐃᓪᓗᓕᕆᓂᐅᑉ ᐊᓪᓚᕕᒻᒪᕆᖓᑕ ᐊᑦᑕᑐᕐᑎᓯᐅᑎᖏᓐᓂᒃ ᐃᓪᓗᓂᒃ ᐊᑭᓕᕐᑐᐃᔩᒃ ᐊᒻᒪᓗ ᒪᕐᕉᒃ ᑐᕐᖃᑕᕐᕕᖓᓂᒥᐅᒃ ᓄᓇᓕᓐᓂᐊᑎᒃᑯᑦ, ᓄᓇᓕᓕᒫᓂ ᐊᒻᒪᓗ ᓄᓇᒥᒃ ᐊᑐᕐᓂᓄᑦ. ᑲᑎᕕᐅᑉ ᐃᓪᓗᓕᕆᓂᕐᓄᑦ ᐊᓪᓚᕕᒻᒪᕆᖓ ᐱᒋᐊᕐᑎᓯᓯᒪᔪᖅ ᒪᕐᕉᓂᒃ ᐱᓇᓱᒑᓐᓂᒃ ᓴᐳᑦᔨᐅᑏᓐᓂᒃ ᐊᑭᓕᕐᑐᐃᔨᖁᑎᒥᓂᒃ ᐊᒻᒪᓗ ᓯᕗᓂᕐᒥ ᐱᖃᕐᑐᓴᓂᒃ: ᐱᕙᓪᓕᐊᓂᖅ ᐱᓇᓱᒐᖅ ᐊᒻᒪᓗ ᐱᓇᓱᒐᕐᒥᒃ ᐱᕙᓪᓕᑎᑦᓯᒋᐊᕈᑎᒃ ᓇᒻᒥᓂᖅ ᐃᓪᓗᖃᕐᓂᒥᒃ ᐊᒻᒪᓗ ᐊᓇᕐᕋᕆᔭᐅᔪᑦ ᓄᑕᐅᓪᓕᑎᕐᑕᐅᓂᖏᓐᓂᒃ ᑲᑎᕕᐅᑉ ᓄᓇᖓᓂ. ᓯᕗᓪᓕᐅᓯᒪᔪᖅ ᐱᓚᕿᑎᑦᓯᒋᐊᕈᑎᐅᓯᒪᔪᖅ ᐱᒋᐊᕐᑎᓗᒋᑦ ᐃᓅᖃᑎᒌᑦ ᐊᒻᒪᓗ ᓇᓂᓕᒫᖅ ᑲᔪᓯᑦᓯᐊᕆᐊᖃᕐᓂᖓᓂᒃ ᐱᐅᓴᐃᓂᕐᓂᒃ ᐊᒻᒪᓗ ᓱᒃᑯᑎᑦᓯᑕᐃᓕᓂᕐᓂᒃ ᓄᓇᕕᒻᒥ ᐊᓇᕐᕋᕆᔭᐅᔪᓂᒃ ᐊᒻᒪᓗ ᓄᓇᓕᓐᓂᒃ ᐃᑉᐱᒍᓱᑦᑎᓯᒋᐊᕐᓂᑎᒍᑦ ᐊᒻᒪᓗ ᐅᐱᒪᓇᕆᐊᖃᕐᓂᖏᓐᓂᒃ, ᑖᓐᓇ ᑭᖑᓪᓕᖅ ᒪᓂᔨᒍᑕᐅᓯᒪᔪᖅ ᐃᓄᓐᓄᑦ ᐃᓚᒌᓄᑦ ᐱᒍᓐᓇᓯᑎᑦᓯᒋᐊᕈᑎᓂᒃ ᑯᐸᐃᑉ ᑲᕙᒪᖓᑕ ᑐᓂᕐᕈᑎᖏᓐᓂᒃ ᐃᓕᖓᔪᓂᒃ 75&-ᖏᓐᓄᑦ ᓴᓇᔭᐅᒍᑎᖏᑦᑕ ᐊᓇᕐᕋᐅᑉ.

ᑲᑎᕕᐅᑉ ᐃᓪᓗᓕᕆᓂᕐᓄᑦ ᐊᓪᓚᕕᒻᒪᕆᖓ ᑲᒪᒋᔭᖃᑦᓯᐊᑐᒻᒪᕆᒃ ᑯᐸᐃᑉ ᑕᕐᕋᖓᓃᑦᑐᓂᒃ ᐅᖓᓯᑦᑐᒥ, ᐱᓗᐊᕐᑐᓂᒃ ᐱᐅᓴᐃᓂᕐᓂᒃ ᐃᓪᓗᓂᒃ ᐊᑭᓕᕐᑐᐃᔨᖁᑎᒥᑕ ᓇᔪᓲᖏᓐᓂᒃ ᐊᒻᒪᓗ ᐱᐅᓯᐅᒥᑎᑦᓯᒋᐊᕈᑎᓂᒃ ᐃᓅᖃᑎᒌᑦ ᐃᓪᓗᖃᕐᑎᑕᐅᒍᑎᖏᓐᓄᑦ ᐱᐅᓯᖏᓐᓂᒃ ᓄᓇᕕᒻᒥ.
ᑕᑯᒐᓱᐊᕈᓐᓇᓂᐅᔭᓕᕐᑐᓯ ᖃᕆᑕᐅᔭᒃᑯᑦ ᓄᐃᑕᑎᑦᓯᒍᑎᑦᑎᓂᒃ ᐅᕙᓂ

www.omhkativikmhb.qc.ca! ᐃᓕᔭᐅᖕᖏᓂᖓᓂ, ᖃᕆᑕᐅᔭᒃᑯᑦ ᐊᓪᓚᖃᑦᑕᐅᑎᕕᑦᑎᓂᒃ ᑕᑯᒐᓱᐊᕈᓐᓇᑐᓯ ᐅᕙᓂ

www.facebook.com/kmhbqc!

ᖃᕆᑕᐅᔭᕐᒦᑐᑦ ᓄᐃᑎᓗᒋᑦ ᐊᑦᔨᓕᐅᕐᓗᒋᑦ ᐊᓪᓚᒍᑎᒧᑦ ᐊᐱᕐᓲᑎᑕᓖᑦ ᐱᖕᖑᐊᕈᑏᑦ ᐱᖕᖑᐊᖃᑎᖃᕈᑎᑦᓴᐃᑦ ᑲᒃᑲᓛᓂᒃ
 

ᑲᔪᓯᑎᑕᐅᔪᓂᒃ ᐊᐅᓚᑦᓯᔨᖁᑎᕗᑦ

ᐃᓂᕐᓯᓯᑎᐅᑦᓱᓂᓗ ᐊᒻᒪᓗ ᓱᖏᐅᑎᑲᐱᒍᐊᕐᑑᓱᓂ ᐊᕙᑎᒥᒃ, ᔪᓭ ᓚᕙᐃᒃ ᐊᕐᓇᐅᕗᖅ ᐅᕕᒐᕐᑑᓱᓂ ᑲᒪᒍᒪᓂᖃᑦᓯᐊᓱᓂ ᐃᓗᒡᒍᓯᖓᓂᒃ ᓄᓇᓖᑦ. ᐱᒐᓱᐊᑦᓯᐊᓂᖓ ᐊᒻᒪᓗ ᐃᑲᔪᕈᒪᓂᖓ ᒪᕐᕈᐃᑐᐃᓐᓇᐅᕘᒃ ᐱᑦᔪᑎᒋᑦᓱᓂᒋᒃ ᐊᕐᕌᒍᓂ ᑕᓪᓕᒪᐅᔪᕐᑐᓂ ᑲᒪᖃᑕᐅᑦᓯᐊᕈᒪᓂᕐᒥᓄᑦ ᐊᑭᓕᕐᑐᑕᐅᒐᓂ ᐃᑲᔪᕈᒪᓂᕐᒥᓄᑦ ᐃᓕᓴᐃᓯᒪᔪᖅ ᑐᓴᕐᓂᔮᕐᑎᓯᓂᕐᓂᒃ ᑯᐸᐃᒻᒥ ᓄᓇᓂ ᓱᓇᖁᑎᖃᑦᓯᐊᖏᑦᑐᓂ. ᐊᒥᓱᓂ ᐊᕐᕌᒍᓂ ᓱᖏᐅᓐᓂᖃᓕᕐᑐᖅ ᐱᕙᓪᓖᒋᐊᕐᓂᓄᑦ ᑐᓴᕈᑎᓕᕆᓂᕐᓂᒃ, ᐱᔪᑦᓴᐅᔮᕐᑎᓯᐅᑎᓂᒃ ᐊᒻᒪᓗ ᖃᕆᑕᐅᔭᒃᑰᑐᑦᓴᓂᒃ ᐋᕐᕿᓱᐃᔨᐅᑦᓱᓂ ᐊᑐᕈᓐᓇᕕᖃᕐᓂᓂᒃ ᓱᖏᐅᓐᓂᖃᑦᓯᐊᓱᓂ, ᔪᓴᐃ ᐃᓕᑕᕐᓇᕈᑎᓕᒃ ᐃᓂᕐᓯᒍᐊᕐᑑᓂᕐᒥᓂᒃ ᐊᒻᒪᓗ ᓇᓪᓕᒍᓱᓐᓂᔪᐊᒥᓂᒃ. 2014-ᒥ ᐊᕐᕕᑕᕐᓂᐅᑉ ᑲᔪᓯᑦᓯᐊᓚᐅᔫᑉ ᑭᖑᓂᖓᓂ, ᐅᑎᓛᕐᑐᖅ ᓄᓇᕕᐅᑉ ᐃᓕᓴᕐᕕᖏᓐᓄᑦ ᐱᕙᓪᓖᒍᓐᓇᐅᑎᖃᓕᕐᓱᓂ, ᐅᓄᕐᓂᓴᓂᒃ ᑲᑎᒪᓂᐊᕈᓯᖃᕐᑎᓯᒍᓐᓇᓕᕐᓱᓂ ᐅᖃᐅᓯᕆᓗᒋᑦ ᐃᓪᓗᖃᕐᑎᑕᐅᒍᑎᐅᑉ ᐊᓐᓂᓇᕐᓂᓂᖏᑦ. ᐃᓕᓴᕐᕕᓄᑦ ᐅᑎᑲᓪᓚᒍᒪᔪᖅ ᐊᕐᕕᑕᕐᓯᒪᕕᒻᒥᓄᑦ 2014-ᒥ ᑲᑎᓯᒋᐊᓪᓚᕆᐊᕐᑐᓗᓂ ᐃᓕᓴᐃᔨᓂᒃ ᐊᒻᒪᓗ ᐃᓕᓵᓂᒃ ᐅᖃᐅᓯᕆᖃᑦᑕᓚᐅᔪᔭᒥᓂᒃ ᐅᖃᐅᓯᖃᕆᐊᓪᓚᓗᓂ ᐊᒻᒪᓗ ᑐᓴᕐᑕᐅᑎᑦᓯᓕᑕᐃᓐᓇᓗᓂ ᓄᑖᓄᑦ ᐃᓚᒌᓕᕐᑐᓄᑦ ᐱᐅᔪᐊᓗᓐᓄᑦ ᐃᓪᓗᖃᕐᑎᓯᒍᑎᓄᐊᖓᔪᓂᒃ.

 
ᓯᖁᒥᓯᒪᔪᕐᓂᐊᓂᕐᒥ ᐱᓇᓱᖃᑎᒌᑦᑐᑦ
 
ᓇᓄᖅ
 
ᐃᑖᕐᓂᖃᖕᖏᓚᐅᕐᑕ