ᐅᓂᒃᑲᐅᓯᕗᑦ

ᓄᓇᕕᒻᒥ ᐃᓄᖃᕐᓂᓴᐅᓕᕐᒪᑦ, ᐃᓪᓗᖃᖕᖏᓗᐊᕐᓱᓂ, ᐃᑖᕐᕕᐅᔪᐃᑦ, ᓯᖁᒥᓯᒪᑦᑌᓕᓂᖅ ᐱᐅᓯᒋᔭᐅᖕᖏᓗᐊᕐᓱᓂ, ᑕᒪᒃᑯᐊ ᐃᑉᐱᒋᑦᓱᒋᑦ ᑲᑎᕕᒃ ᐃᓪᓗᓕᕆᔨᕐᔪᐊᑯᓄᑦ ᐊᕐᓱᕈᕐᓇᓯᓲᖅ.

ᑯᐯᒃ ᑲᕙᒪᒃᑯᑦ ᐊᑭᓖᒋᐊᖃᕐᐸᑐᑦ $40 ᒥᓕᐊᓂᒃ ᐊᕐᕌᒍᑕᒫᑦ ᐊᓇᕐᕋᖃᕐᑎᑕᐅᒍᑏᑦ ᓱᒃᑰᑎᑕᐅᑦᑌᓕᓂᖏᓐᓄᑦ ᐊᒻᒪᓗ ᐊᑐᕐᑕᐅᓯᐊᕈᓐᓇᓂᖏᓐᓄᑦ. ᐊᒥᓱᑦ ᒥᓕᐊᓐ ᓱᒃᑯᓯᒪᔪᓂᒃ ᐃᓛᓃᕐᑕᐅᓱᑎᒃ ᓱᒃᑯᑕᕕᓂᕐᓂᒃ ᐋᕐᕿᓱᐃᒍᑕᐅᑎᓪᓗᒋᑦ ᑲᑎᕕᐅᑉ ᐃᓪᓗᓕᕆᓂᕐᓄᑦ ᐊᓪᓚᕕᒻᒪᕆᖓᑕ ᐃᓪᓗᖃᕐᑎᓯᐅᑎᖏᓐᓄᑦ ᐊᒻᒪᓗ ᐱᐅᒃᑯᑎᖏᓐᓄᑦ.
 
ᓇᑦᔪᐃᔭᕐᕕᒃ 2011-ᒥ, ᑲᑎᕕᒃ ᐃᓪᓗᓕᕆᔨᕐᔪᐊᑯᑦ ᓴᕿᑎᑦᓯᓯᔪᕕᓃᑦ ᐃᑲᔪᕐᑕᐅᓱᑎᒃ ᑯᐯᒃ ᐃᓪᓗᓕᕆᔨᕐᔪᐊᑯᓄᑦ. ᐱᕙᓪᓕᐊᓂᖅ ᐊᑎᑖᕐᑎᑕᕕᓂᖅ ᑐᑭᖓᓂᑦ ᒪᓕᑦᓯᐊᒍᒪᒧᑦ. 14-ᓂᑦ ᓄᓇᓕᓐᓂᑦ ᓄᓇᕕᒻᒥ ᓄᐃᑎᑕᐅᒐᓱᑦᓱᑎᒃ, ᐱᓇᓱᑦᑕᖏᑦ ᐊᔪᕆᑎᑦᓯᒐᓱᓐᓂᒥᒃ, ᑐᓴᐅᒪᑦᓯᐊᑎᑦᓯᓯᓂᕐᒥᒃ, ᐱᐅᓯᖃᓪᓚᕆᖁᔨᓂᕐᒥᓗ ᐊᒻᒪᓗ ᓯᖁᒥᓯᒪᔪᕐᓂᐊᓱᑎᒃ, ᐃᓪᓗᓂᓪᓗ ᓱᓇᕐᖁᑎᖏᓐᓂᑦ, ᐃᑖᕐᓂᒥᓪᓗ ᓄᕐᖃᑎᑦᓯᒐᓱᑦᓱᑎᒃ ᐅᕕᒐᕐᑐᓂᓗᐊᖕᖑᐊᖅ ᓵᕐᖄᓱᑎᒃ ᖃᐅᔨᑦᓯᐊᖁᔨᑦᓱᑎᒃ ᐊᒻᒪᓗ ᐃᑯᓪᓚᖁᔨᑦᓱᑎᓪᓗ ᐃᑲᔪᕐᓗᑎᒃ ᐃᓅᑦᓯᐊᓂᕐᒥᒃ ᓄᓇᕕᒻᒥᐅᓂᑦ.
 
ᐱᕙᓪᓕᐊᓂᖅ ᓄᓇᕕᒻᒥ ᐃᓅᓯᖃᑦᓯᐊᓂᕐᓴᐅᒍᒪᒧᑦ ᐊᖏᐅᑎᓯᒪᓂᐅᕗᖅ.

ᑎᓕᔭᐅᒪᐅᑎᖏᑦ

ᐊᑦᑕᓇᕐᓂᖓᓂᑦ ᐃᑉᐱᒍᓱᑦᓯᐊᓂᕐᒥᒃ, ᖃᐅᔨᒪᑦᓯᐊᓂᕐᒥᒃ ᐊᒻᒪᓗ ᐅᐱᒍᓱᑦᓯᐊᖁᔨᒧᑦ ᑕᒪᒃᑯᓂᖓ ᐊᕐᖁᑎᖃᕐᓱᑎᒃ ᐃᓅᖃᑎᒌᑦᓯᐊᓂᕐᒥᓗ ᐊᓂᕐᕋᕆᔭᐅᔪᓂᓪᓗ ᐊᑯᓂᖕᖑᑎᑦᓯᒋᐊᖅ ᓄᓇᓕᓕᒫᓂᑦ ᓄᓇᕕᒻᒥ.

ᐊᑑᑎᒍᒪᔭᕗᑦ

ᐅᕕᒐᕐᑐᐃᑦ ᐃᓕᓐᓂᐊᑎᑦᓯᐊᓗᒋᓪᓗ ᐃᓚᒌᑦ ᑐᓴᐅᒪᑎᑦᓯᐊᓗᒋᓪᓗ ᐊᑭᓕᕋᑦᓴᓂᑦ ᐃᑭᓪᓕᑎᑦᓯᒍᒪᔪᑦ ᓱᓇᕐᕈᑎᕆᔭᐅᔪᑦ ᐃᓪᓗᓄᑦ, ᐃᒪᖅ ᐊᒻᒪᓗ ᐸᕐᖄᓯᐅᑎᖅ ᐊᓯᐸᑦᑕᐅᕙᒻᒪᑕ. ᐃᑖᕐᓂᖅ ᐃᑭᓪᓕᒋᐊᕐᑕᐅᒍᒪᒻᒥᔪᑦ ᑮᓇᐅᔭᖅ ᐊᓯᐊᓄᑦ ᐱᑦᓯᐊᓂᕐᓴᐅᒐᔭᕐᑐᓄᑦ ᐊᑐᕐᑕᐅᒐᔭᕐᒪᑕ ᐃᓪᓗᓕᐅᕐᓂᒥᓪᓘᓃᑦ ᓄᓇᕕᒻᒥ.

ᐊᓐᓂᓇᐅᑎᕗᑦ

ᐃᓚᐅᑦᓯᐊᓗᑕ ᐃᑲᔪᕐᓗᑕ ᐊᑕᐅᓯᐅᓈᕐᑎᓗᒋᑦ ᓄᓇᓖᑦ ᐃᑲᔪᖃᑎᒌᑦᓯᐊᓂᐊᕐᒪᑕ ᐃᓅᑦᓯᐊᓂᕐᒧᑦ ᓄᓇᕕᒻᒥ.
ᐃᓱᒻᒪᓂᖃᑦᓯᐊᑐᒍᑦ ᐃᓪᓗᒥᐅᖃᑎᒌᓂᑦ ᐃᑉᐱᒍᓱᑦᓯᐊᓗᑕ ᑲᑎᕕᒃ ᐃᓪᓗᓕᕆᔨᕐᔪᐊᑯᑦ ᐱᖁᑎᖏᓐᓂᑦ, ᓯᖁᒥᓯᒪᑦᑌᓕᓂᖅ ᐊᒻᒪᓗ ᐊᑭᓖᑦᓯᐊᓗᑕ ᐃᓪᓗᓂᑦ.
ᐃᑉᐱᒋᑦᓯᐊᓗᒋᑦ ᐃᒣᓪᓗ ᐸᕐᖄᕈᑎᒃᑯᕕᓪᓗ ᐊᒻᒪᓗ ᓄᓇᐅᑉ ᐊᑦᑕᓇᕐᓂᖓ.
ᓯᓚᑐᓐᓂᖅ ᐱᕐᖁᑎᕆᔭᐅᔪᓂᑦ, ᐃᓄᓐᓂᑦ ᐊᒻᒪᓗ ᕿᑐᕐᖓᑎᓐᓂᑦ ᐱᑖᑦᓯᐊᓛᕐᒪᑕ ᐃᓪᓗᓂᓪᓗ ᓱᓇᖁᑎᕆᔭᐅᔪᓂᓪᓗ ᐊᔪᕆᓯᒪᓂᕐᒥᓗ ᓯᖁᒥᓯᒪᑦᑌᓕᓂᕐᒥᒃ ᐃᓕᓐᓂᐊᑕᐅᑦᓯᐊᓛᕐᒪᑕ.
ᐃᓕᓐᓂᐊᑎᑦᓯᓂᖅ ᖃᐅᔨᒪᔭᐅᑦᓯᐊᑐᓂᑦ, ᐊᑑᑎᔭᐅᓯᒪᔪᓂᑦ ᐊᒻᒪᓗ ᐊᔪᕆᓯᒪᓂᕐᒥᒃ ᓴᓗᒪᓯᒪᒋᐊᖅ ᕿᑐᕐᖓᑎᓐᓂᑦ.
ᐊᑯᓂᐅᓕᖓᖁᓪᓗᒍ ᐊᖏᖃᑎᒌᓐᓂᖅ ᐃᓅᑦᓯᐊᓂᕐᒧᑦ ᓄᓇᕕᒻᒥ!