ᑐᓴᐅᒪᑎᑦᓯᓂᖅ
Facebookᑦ
Facebookᑦ
ᓇᓄᖅ
ᓇᓄᖅ ᑲᑎᒪᓂᐊᕈᓯᖅ ᑐᕌᖓᔪᖅ ᐃᓕᓵᓄᑦ ᓯᕗᓪᓕᐹᑦᓴᔭᓂ ᐃᓕᓴᕐᑐᓄᑦ ᓄᓇᕕᒻᒥᐅᓄᑦ 14-ᓄᑦ ᓄᓇᓕᓐᓄᑦ ᑐᕌᖓᑦᓱᑎᒃ. ᐃᓕᑦᓯᑎᑦᓯᒋᐊᕈᑎᒃ ᐱᒪᑦᓯᐊᕈᓐᓇᐅᓯᓂᒃ ᐃᓕᓵᓂᒃ ᐊᒻᒪᓗ ᑐᑭᓯᑎᑦᓯᒋᐊᕐᓂᒥᒃ ᐱᒻᒪᕆᐅᓂᖓᓂᒃ ᐃᓅᓯᖃᕋᓱᐊᕆᐊᖃᕐᓂᐅᑉ ᖃᓄᐃᙱᓯᐊᕐᓗᓂ, ᐱᓗᑲᒐᓱᐊᕈᓐᓀᓗᓂ ᐊᒻᒪᓗ ᓯᖁᒥᓯᒪᔪᓄᑦ ᑕᑕᙱᑐᒥ ᐊᓇᕐᕋᖃᕆᐊᖃᕐᓂᒥᒃ.
ᐊᕐᕌᒍᐃᑦ ᐱᖓᔪᐊᓐᓂ ᑲᔪᓯᔪᒥ, ᓄᓇᕕᒻᒥ ᖁᓪᓗᓈᕐᑎᑐᑦ ᐊᒻᒪᓗ ᐅᐃᒍᐃᑎᑐᑦ ᐃᓕᓵᑦ ᐳᕐᑐᓂᓖᑦ 5-ᒥ ᐊᒻᒪᓗ 6-ᒥ ᑐᖕᖓᓱᑦᑎᓯᓛᕐᑐᑦ ᓱᖃᑦᓯᐅᑎᐅᑎᑕᐅᔪᓂᒃ ᑲᔪᓯᑎᑦᓯᔨᒥᒃ ᑲᑎᒪᓂᐊᕈᓯᖃᕐᑎᑕᐅᓗᑎᒃ ᑖᑦᓱᒧᖓ ᐃᑲᐅᕐᓃᓂ ᒪᕐᕈᑐᕐᑐᓂᒃ. ᑖᓐᓇ ᓱᕋᓱᐊᒍᑎᖅ ᐃᓕᓐᓂᐊᕈᑕᐅᒍᒪᔪᖅ ᐃᓕᓐᓂᐊᑎᓄᑦ ᓴᓗᒪᓯᒪᑦᓯᐊᓂᕐᒥᒃ ᐃᓪᓗᓂᓪᓗ ᓄᓇᓕᒥᓪᓗ, ᐃᑉᐱᒍᓱᑦᓯᐊᓂᕐᒥᒃ ᐱᑦᓴᑖᕈᑎᓂᑦ ᐊᒻᒪᓗ ᐃᓅᖃᑎᒌᑦᓯᐊᓂᕐᒥᒃ.
ᑲᑎᒪᓂᐊᕈᓯᐅᑉ ᐃᓱᐊᓂ, ᐃᓕᓵᑦ 2017-ᒥ ᐊᕐᕕᑕᕈᑕᐅᔪᓄᑦ ᐃᓚᐅᔪᑦ ᐱᕙᓪᓕᐊᓂᐅᑉ ᓇᓗᓀᕐᓯᐅᑎᖏᓐᓂᒃ ᐅᖃᕐᑕᐅᓯᐊᕐᓂᒥᒃ ᐅᓐᓂᑐᕈᑕᐅᓂᕐᒥᒃ ᐁᑦᑐᑕᐅᓛᕐᒥᔪᑦ, ᒪᕐᕈᐃᓂᓪᓗ ᐊᓪᓚᐅᑎᑐᐃᓐᓈᓂᒃ ᐊᒻᒪᓗ ᐃᒡᒑᓂᒃ ᑭᒡᒐᑐᕈᑎᐅᑉ ᐱᕙᓪᓕᑎᑦᓯᒋᐊᕈᑎᓂᒃ ᐊᓪᓚᓯᒪᔪᕐᑕᓖᓐᓂᒃ.
ᐊᒻᒪᓗ ᑖᒃᑯᑑᒐᑎᒃ! ᐃᓕᓵᑦ ᐊᒥᓲᖕᖏᑐᑦ ᑲᑎᒪᔪᓂ ᐃᓕᓴᖃᑎᒌᓂ ᐊᑐᓂᑦ ᐃᓕᓴᕐᑕᒥᓂᒃ ᐱᑦᓯᐊᑐᑦ, ᐱᒐᓱᐊᑦᓯᐊᑐᑦ ᐊᒻᒪᓗ ᐊᖕᖔᓯᐊᕐᐸᑐᑦ ᓵᓚᖃᕈᓐᓇᓛᕐᒥᔪᑦ ᒪᓐᑐᔨᐊᓚᓕᐊᕈᓐᓇᐅᑎᒥᒃ ᑕᑯᔭᕐᑐᓗᑎᒃ ᑲᓀᑎᐊᓂᒃ ᐱᓯᒪᔪᓂᒃ ᒪᓐᑐᔨᐊᓪ ᑲᓀᑎᐊᒃᑯᑦ ᑲᒃᑲᓛᓂᒃ ᑐᖕᖓᕕᖃᕐᑎᓯᐅᑎᖓᑕ ᐱᒻᒪᕆᖃᕐᕕᖓᓂᑦ VIP Loge.
ᐃᑖᕐᓂᖃᖕᖏᓚᐅᕐᑕ
ᐃᓕᓴᕐᕖᑦ ᐊᖓᔪᖅᑳᖏᑦᑕ ᐃᓕᓴᐃᔩᓪᓗ ᐃᓚᐅᒍᓐᓇᓂᖏᑦ
